Жил бүр Улаанбаатар дахь “Русский дом”-с зарлагддаг ОХУ-ын Засгийн газрын 600 тэтгэлгийн сонгон шалгаруулалтыг угтсан VI дахь удаагийн Оросын боловсролын онлайн үзэсгэлэнгийн нээлт онлайнаар болж, үйл ажиллагаа нь http://expo.edurussia.mn/ сайт дээр эхэллээ.

Нээлтийн ёслолд БШУЯ-ы гадаад харилцаа, хамтын ажиллагааны газрын дарга Ж.Нарантуяа, Монгол улс дахь ОХУ-ын ЭСЯ-ы элчин-зөвлөх Краминцев С.А., ХНХЯ-ы Мэргэжлийн боловсрол сургалтын үнэлгээ, мэдээлэл арга зүйн төвийн дарга Ц.Батдорж, Нийслэлийн боловсролын газрын орлогч дарга М.Цогзолмаа, Россотрудничество агентлагийн Монгол дахь төлөөлөгчийн газрын орлогч дарга Кильпякова В.В., ШУА-ийн эрдэмтэн нарийн бичгийн дарга Б.Авид, ОХУ-ын ЗГ-ын дэргэдэх Санхүүгийн их сургуулийн дэд проректор Ременцов А.Н., ОХУ-ын ЭСЯ-ны дэргэдэх ЕБС-ийн захирал Ярикова Е.Д., Edurussia Оросын боловсролын төвийн захирал, ОХУ/ЗХУ-д төгсөгчдийн МАВСУЗ холбооны гүйцэтгэх захирал Ц.Шүрэнчимэг нар оролцов.

Оросын боловсролын үзэсгэлэн нь Засгийн газрын 100%-ийн тэтгэлгээр суралцах гэж байгаа залууст ОХУ-ын чансаа өндөр тэргүүлэх сургуулиудыг урьж оролцуулан мэргэжил сургуулийн оновчтой сонголт хийх боломжийг олгодог юм.

Энэ жилийн үзэсгэлэнд ОХУ-ын 11 муж хотуудаас 21 чансаа өндөр их сургуулиуд оролцож, Оросод суралцах болон амьдрах орчин, амьдралын өртөг, оюутны байр, даатгал, виз, унаа тээвэр, аюулгүй байдал, оюутнуудын ажил эрхлэлт, хөнгөлөлт, тэтгэлэг, грант, тэтгэмжүүдийг авах бусад боломжуудын талаар мэдээлэл, зөвлөгөөг өглөө.

Энэ удаагийн үзэсгэлэн нь илүү өргөн хүрээнд болж байгаа  бөгөөд сурагч, оюутан, залууст мэргэжлийн чиг баримжаа олгох вебинарууд, Оросын сургуулиудын нээлт ололт, шинэ бүтээл, брэнд бүтээгдэхүүнүүд, IT, дижитал технологи, инженер техник, менежмент маркетинг, бизнес удирдлага, хими технологи чиглэлээршилдэг экспертүүдийн үнэ төлбөргүй лекц, ярилцлага, үзүүлэх сургалтууд, Оросод суралцаж буй оюутнуудын “Сургуульдаа хүрэх зам-2021” онлайн Форум, Оросын их сургуулиуд /30 гаруй сургуулиуд/ болон төгсөгчдийн “Сургуульдаа Баярлалаа!” онлайн Форум, төгсөгчдийн зөвлөгөө, туршлагууд зэрэг арга хэмжээнүүд хүлээж байна.

Онлайн үзэсгэлэнгийн хөтөлбөр:

https://edurussia.mn/online-exhibition-program

Онлайн Үзэсгэлэнд бүртгүүлэх:

http://expo.edurussia.mn/

ЗГ-ын тэтгэлгийн шалгаруулалтын журам:

https://edurussia.mn/gov-scholarship

Нийслэлийн ерөнхий боловсролын сургуулийн хөгжмийн багш нарт мэргэжлийн программ ашиглан сурагчдын хөгжимдөх чадварыг дээшлүүлэхэд интерактив хичээл, түүнийг бэлтгэх чадварыг хөгжүүлэх, хэрэглээ болгох, багшийн туршлагыг түгээн дэлгэрүүлэх, ажлын байрнаас хөндийрөхгүйгээр өөрийгөө хөгжүүлэх боломжийг нэмэгдүүлэх зорилгоор 2021 оны 10 дугаар сарын 13-наас 15-ны өдрүүдэд “Сурагчдын хөгжимдөх чадварыг дээшлүүлэхэд интерактив хичээл бэлтгэх арга зүй” онлайн сургалтад 8 дүүргийн 81 багш хамрагдлаа.
Сургалтыг Хан-Уул дүүргийн 130 дугаар сургуулийн хөгжмийн багш М.Ганзул Power point программ дээр суурилан Liveworksсheet, musescore, Screen recorder зэрэг программууд ашиглан интерактив хичээл бэлтгэн зааж өөрийн хичээл сургалтад хэрэглээ болгож буй арга туршлагаас хөгжмийн боловсролын багш нартаа хуваалцан тэдэнд зааж, арга зүйгээ түгээн дэлгэрүүллээ.
Сургалтад хамрагдсан багш нараас сургалтын дараах авсан судалгааны дүнгээр:
Өнөөдрийн сургалт таны ажилд хэрэгцээтэй эсэх асуултад 100% “Тийм” 94.7% сургалтын дараа өөрийн ажилд заавал хэрэглээ болгоно. Нийт хамрагдсан багш нарын 95.7% нь сайн үр дүнтэй, хөгжмийн багш нарын эрэлт хэрэгцээнд нийцсэн сургалт болсон гэж тус тус үнэлсэн байна.

Монголын хөлбөмбөгийн холбоо, Олон улсын хөлбөмбөгийн холбоотой хамтран нийслэлийн ерөнхий боловсролын сургуулиудын хөлбөмбөгийн талбайг сэргээн засварлах төслийг хэрэгжүүлж байгаа юм.

Азийн хөгжлийн банкны хөнгөлөлттэй зээлээр “Цамхаг констракшн” ХХК барьж, гүйцэтгэсэн шинэ өргөтгөл 640 хүүхдийн суудалтай бөгөөд спорт болон урлаг заал нь сүүлийн үеийн барилга угсралтын шийдлээр баригдсан юм.

Баянзүрх дүүргийн дуудлага мэдээллийн төв болон 12, 13, 14, 15 дугаар хорооны Өрхийн эрүүл мэндийн төвүүдэд коронавирусийн халдварын үеийн тусламж, үйлчилгээнд дэмжлэг үзүүлэн ажиллаж байна.

Монголын багш нарын 55 дахь удаагийн баярын өдрийг тохиолдуулан Нийслэлийн Засаг даргын А/755 тоот захирамжаар нийслэлийн есөн шилдэг багшид түрээслээд өмчлөх орон сууцны батламж олгосон юм.

Шагнал гардуулах арга хэмжээг нээж Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ж.Сандагсүрэн, нийслэлийн Боловсролын газрын дарга Ж.Гантулга нар үг хэллээ.

Дэлхийн багш нарын 27, Монголын багш нарын 55 дахь өдрийг тохиолдуулан нийслэлийн ерөнхий боловсролын зарим сургууль, цэцэрлэгийн багш, ажилтан нарт шагнал гардууллаа.

Нийслэлийн нийт багш, сурган хүмүүжүүлэгчдэдээ Дэлхийн багш нарын 27, Монголын багш нарын 55 дахь өдрийн баярын мэндийг өргөн дэвшүүлье.