Энэ удаад Монгол Улсад Гэмт хэргээс урьдчилан сэргийлэх ажлыг зохицуулах зөвлөл, Хууль зүй, дотоод хэргийн яам, Хөдөлмөр, нийгмийн хамгааллын яам хамтран НҮБ-ын Хүн амын сан, Швейцарын хөгжлийн агентлагийн дэмжлэгтэйгээр зохион байгуулсан “Гэр бүлийн хүчирхийлэлтэй тэмцэхэд олон талт хамтын ажиллагаа” хамтарсан багийн үндэсний V чуулганд дарга нар хүрэлцэн ирж оролцсонтой холбоотой ээлжит шуурхайг 2022 оны 11 дүгээр сарын 15-ны өдөр танхимаар зохион байгууллаа.

Шуурхай хурлыг Боловсролын ерөнхий газрын дарга Т.Ням-Очир удирдан чиглүүлж, нийслэлийн Боловсролын газрын дарга Б.Амартүвшин “Сургуульд суурилсан менежмент” сэдвээр, Архангай аймгийн БШУГ-ын дарга З.Мөнхтогтох “Төсвийн гүйцэтгэл, зарцуулалт сэдвээр, Боловсролын ерөнхий газрын газар, хэлтсийн дарга нар сургууль, цэцэрлэгийн хөрөнгө оруулалт, хоол үйлдвэрлэл, насан туршийн боловсролын хамтын ажиллагааны талаар зөвлөгөө мэдээлэл өгч, ойлголтоо нэгтгэлээ.