ИРЭЭДҮЙН ЗУРААЧИД
ОГНОО : 2018/05/31 УНШСАН: 349

ИРЭЭДҮЙН ЗУРААЧИД

Нийслэлийн Боловсролын газар, Наад брэнд хамтран “Би Монгол Хүн” гар зургийн уралдааныг эх үрсийн баярыг угтан 2018 оны 4 сарын 1-ээс нийслэлийн болон орон нутгийн бүх сургууль цэцэрлэгийн бага насны /3-10 нас/ хүүхдийн дунд амжилттай зохион байгууллаа.

Эх орны ирээдүй болсон хүүхэд багачуудыг Монгол хүн болж төлөвшихөд туслах, Монгол хүний үнэ цэнийг хэрхэн ойлгож байгаа талаарх төсөөллийг нь олон нийтэд хүргэх зорилготой зохиогдсон энэхүү уралдаанд Увс, Дорноговь, Эрдэнэт, Дархан, Сэлэнгэ, Төв, Нийслэлийн 9 дүүрэгийн ЕБС, цэцэрлэгүүд хамрагдаж нийт 980 хүүхэд багачууд бүтээлээ илгээжээ.

Тэмцээн хоёр үе шаттай явагдсан бөгөөд эхний 3 байраас гадна шилдэг 50 хүүхдийг шагналт байранд хамрууллаа.

Шүүгчдийн бүрэлдэхүүнд Нийслэлийн боловсрлоын газрын мэргэжилтэн Г.Амарсанаа, “Наад” брэндийн захирал С.Сайханбаяр, ”Оливка” хүүхдийн асаргаа сувилгааны төвийн захирал П.Ганчимэг, оюуны өмчийн зөвлөх үйлчилгээ үзүүлдэг  “Ай Пи Консалтинг” компанийн захирал Д.Дэлгэрцоо, ”Арти кор” галлерэйн уран бүтээлч зураач Г.Жааханхүү, “Чингис хаан” анимейшн киног бүтээсэн “Ocean Pictures” студийн захирал Б.Тэнгис нар ажиллаа.

Зохион байгуулагч Наад брэндийн зүгээс шалгарсан бүтээлүүдийг 1,350,000 төгрөгийн мөнгөн шагнал болон, 1,050,000 төгрөгийн үнийн дүн бүхий МиМо гэр бүтээгдэхүүн,  өргөмжлөлөөр урамшуулав.

Мөн “Хүүхдийн авъяасыг дэмжье” уриатайгаар “IceMark”, “Оливка” компаниуд гарын бэлэг өөрийн бүтээгдэхүүнээрээ ивээн тэтгэсэн байна.

Эцсийн шатны шалгаруулалт 5-р сарын 26-нд UB art gallery-д шилдэг 50 бүтээлийн дунд шууд зуруулах байдлаар явагдсан нь оролцогчид болон эцэг эхчүүд, үзэгчдийн таалалд нийцсэн шалгуур боллоо.

Наад Брэндийн зүгээс энэхүү уралдааныг жил бүр уламжлал болгон зохион байгуулахаа илэрхийллээ.

Сэтгэгдэл
Тушаал
Шинэ мэдээ