“НИЙСЛЭЛИЙН ЕРӨНХИЙ БОЛОВСРОЛЫН СУРГУУЛИУДЫГ 2 ЭЭЛЖИНД БҮРЭН ШИЛЖҮҮЛЭХ, ЕРӨНХИЙ БОЛОВСРОЛЫН ЗАРИМ СУРГУУЛИУДАД “ХҮҮХДИЙН АВТОБУС”-НЫ ШИНЭ ЧИГЛЭЛ ТУРШИХ ТАЛААР ХЭЛЭЛЦҮҮЛЭГ БОЛЛОО
ОГНОО : 2018/12/11 УНШСАН: 1251

“НИЙСЛЭЛИЙН ЕРӨНХИЙ БОЛОВСРОЛЫН СУРГУУЛИУДЫГ 2 ЭЭЛЖИНД БҮРЭН ШИЛЖҮҮЛЭХ, ЕРӨНХИЙ БОЛОВСРОЛЫН ЗАРИМ СУРГУУЛИУДАДХҮҮХДИЙН АВТОБУС”-НЫ ШИНЭ ЧИГЛЭЛ ТУРШИХ ТАЛААР  ХЭЛЭЛЦҮҮЛЭГ БОЛЛОО

 

Монгол улсын Засгийн газрын 2016-2020 оны үйл ажиллагааны хөтөлбөрийн 3.2.4 дэх заалт “Нийслэлийн тээврийн үйлчилгээ нэвтэрсэн хот, суурин газрын ерөнхий боловсролын сургуулийн сурагчид гэр, сургуулийнхаа хооронд нийтийн тээврээр үнэгүй зорчдог болно”, Нийслэлийн Засаг дарга бөгөөд Улаанбаатар хотын Захирагчийн 2016-2020 оны үйл ажиллагааны мөрийн хөтөлбөрийн 4.1.8 дахь заалт “Сургуулийн бүсэд аюулгүй байдлыг бүрэн хангасан стандарт нэвтрүүлж, сурагчдыг нийтийн тээврээр үнэ төлбөргүй зорчих асуудлыг шийдвэрлэх хүрээнд “Сургуулийн автобус” төсөл хэрэгжүүлнэ”... зорилтыг дэвшүүлсэн.

Энэхүү зорилтуудыг хэрэгжүүлэх ажлын хүрээнд Нийслэлийн нийгмийн хөгжлийн асуудал хариуцсан төслүүдийн удирдагч-Нийслэлийн Засаг даргын орлогч Ш.Анхмаагийн санаачилгаар хэлэлцүүлэг зохион байгууллаа.

Хэлэлцүүлэгийн үеэр нийслэлийн ерөнхий боловсролын сургуулиудад тулгамдаж буй дараах үндсэн асуудлыг хэлэлцэж, холбогдох байгууллагын төлөөллүүд харилцан санал бодлоо солилцлоо. Үүнд:

  1. Авто замын хөдөлгөөнд гол ачаалал үүсгэдэг ерөнхий боловсролын зарим сургуулийн сурагчдыг гэр сургуулийн хооронд аюулгүй, ая тухтай зорчих боломжийг судлах зорилгоор Хүүхдийн автобус”-ны шинэ чиглэлийг турших, цаашид авах арга хэмжээний талаар санал боловсруулах;
  2. Нийслэлийн ерөнхий боловсролын сургуулиудыг 2 ээлжинд бүрэн шилжүүлэх зорилгоор улс, нийслэлийн төсвийн хөрөнгө болон гадаадын зээл, тусламжийн хөрөнгөөр нийслэлийн нутаг дэвсгэрт сургуулийн барилгыг өргөтгөх буюу шинээр барих ажлыг эрчимжүүлэх, сургуулийн байрны хүртээмжтэй холбоотой асуудал, нөхцөл байдлыг судлах, дүн шинжилгээ хийх;

Мөн хэлэлцүүлэгийн үр дүнг нэгтгэж, авч хэрэгжүүлэх арга хэмжээний саналыг боловсруулан зөвлөмж гаргаж холбогдох газруудад хүргүүлэхээр боллоо.

Хэлэлцүүлэгт Боловсрол, соёл, шинжлэх ухаан, спортын яам, нийслэлийн Засаг даргын Тамгын газар, нийслэлийн Боловсролын газар, Нийслэлийн Мэдээллийн технологийн газар, Замын хөдөлгөөний удирдлагын төв, Тээврийн Цагдаагийн албаны Замын цагдаагийн газар, Нийслэлийн Тээврийн газар, ЕБС-ийн захирал, багш, эцэг эхчүүдийн төлөөллүүд оролцлоо.

Сэтгэгдэл
Тушаал
Шинэ мэдээ